Arddangosfa Agored yn derbyn ceisiadau! >
YMGEISIO
Darllenwch drwy Friff yr Artist a chwblhewch y ffurflen Mynegi Diddordeb isod
Mae’r arddangosfa hon yn un rhan o HADAU 2026, Gŵyl Celfyddydau Gymreig sy’n dathlu creadigrwydd a ffydd yng Nghymru.
Cynhelir Hadau yn Eglwys Urban Crofters yn y Rhath, Caerdydd, mewn partneriaeth â Morphé Arts Cymru.
Fe'ch gwahoddir i gyflwyno gwaith i'w gynnwys yn yr arddangosfa.
Ein thema yw ‘Dal y Dyfodol’
Mae gennym ddiddordeb mewn gwaith celf sy'n archwilio'r dyfodol; gobeithiol, apocalyptaidd, proffwydol neu wyddonol. Gallai themâu gynnwys materion amgylcheddol neu ddiwylliannol. Gall y gweithiau hyn adlewyrchu sut rydych chi'n teimlo, gallant fod yn sylwebaeth ar ein trywydd presennol neu'ch breuddwydion a'ch syniadau am ffyrdd gwell o fodoli.
Gall y gwaith fod o unrhyw faint, 3D neu 2D. Gall fod ar gyfer arddangos y tu mewn neu du allan i'r adeilad. Bydd gennym ddwy sgrin i ddangos perfformiad neu waith ar sgrin. Rydym yn agored i bob awgrym ac mae croeso i chi gwrdd â ni yn y safle i drafod posibiliadau.
Mae hwn yn gyfle i bobl greadigol gyfrannu at greu arddangosfa ysgogol sy’n procio’r meddwl yn adeilad Urban Crofters rhwng Mawrth 7fed a Mai 15ed 2026.
Rhoddir cyhoeddusrwydd eang i'r arddangosfa. Bydd dathliad agoriadol a chynulleidfa o tua 500 yr wythnos dros y deg wythnos.
Mae croeso i unrhyw un sy’n byw yng Nghymru neu sydd â chysylltiad cryf â Chymru gyflwyno gwaith.
Bydd proses ddethol i guradu arddangosfa fydd yn gweithio yn y gofod, ac yn ysgogi sgyrsiau gyda’r gynulleidfa.Y curaduron fydd:
-
Prue Thimbleby, artist sy’n gweithio yn y Celfyddydau ac Iechyd ac aelod o gyngor Cyngor Celfyddydau Cymru
-
Lois Adams, artist cymunedol yn gweithio i Gwmpawd (www.cwmpawd.org) a chyd-sylfaenydd Morphe Cymru
-
Adeilad ar Stryd Crofts yn y Rhath , Caerdydd yw Urban Crofters.
Mae'r lleoliad yn gartref i Eglwys Urban Crofters, Caffi Ground Up ac Oriel y West Wall.Bydd diwrnod o weithdai a sgyrsiau ar gyfer artistiaid yn diweddu gyda dathliad agoriadol yr arddangosfa ar ddydd Sadwrn 7fed Mawrth.
Bydd yr arddangosfa ar agor o ddydd Llun i ddydd Gwener 9am – 4pm ar y cyd gyda Ground Up Café (www.urbancrofters.co.uk/groundup) a phob bore Sul ar y cyd â chynulliadau Sul Eglwys Urban Crofters.
Bydd yr arddangosfa yn cau dydd Gwener 15fed o Fai am 12pm.
Mynegi Diddordeb
Os oes gennych ddiddordeb mewn cyflwyno gwaith ar gyfer yr arddangosfa hon (uchafswm o 3 darn) rhowch wybod i’r curaduron drwy lenwi’r ffurflen mynegiant diddordeb, sydd ar gael ar y dudalen we hon, ychydig isod.
Dyddiad cau: Llun 5ed o Ionawr am hanner nos.
Unwaith y byddwn yn derbyn eich mynegiant o ddiddordeb byddwn yn ei rannu gyda'r panel dethol a naill ai'n gofyn mwy o gwestiynau neu'n eich gwahodd i gyflwyno gwaith. Bydd hwn yn digwydd yn gyflym iawn.
Cyflwyno gwaith
Byddwn yn ymdrechu i arddangos yr holl waith yr ydym wedi eu gwahodd i'w gyflwyno ond nid yw wedi'i warantu 100%. Rydym yn cadw'r hawl i beidio ag arddangos gwaith sy'n anaddas i'r gofod am ba bynnag reswm. Byddwn yn cadw mewn cysylltiad â chi a byddwn ar gael i ateb unrhyw gwestiynau yn ystod y cyfnod gwneud.
Sylwch: Mae gennym yswiriant atebolrwydd cyhoeddus a theledu cylch cyfyng a byddwn yn gofalu am eich gwaith ond nid oes gennym yswiriant gwaith celf penodol felly mae gwaith celf yn cael ei arddangos ar risg yr artistiaid eu hunain.
Cyflawni’r gwaith
Rhaid cyflwyno’r gwaith i Urban Crofters yn Crofts Street, Caerdydd ar dydd Sul 22il Chwefror (1-3pm) neu dydd Llun 23ydd Chwefror (9am-6pm). Dylai fod yn barod i'w hongian yn y gofod - trafodwch y gosodiadau gyda'r curaduron.
Gwerthu gwaith
Gall unrhyw waith yn yr arddangosfa fod ar werth. Bydd Hadau yn cymryd 25% o gomisiwn a fydd yn mynd tuag at gyhoeddusrwydd a phrosiectau creadigol yn y dyfodol.
Gwerthu gwaith
Gall unrhyw waith yn yr arddangosfa fod ar werth. Bydd Hadau yn cymryd 25% o gomisiwn a fydd yn mynd tuag at gyhoeddusrwydd a phrosiectau creadigol yn y dyfodol.
Ar Fawrth 7fed bydd dathliad agoriadol yr arddangosfa gyda chyfres o ddigwyddiadau wedi'u cynllunio o 2-10pm. Bydd y diwrnod yn cynnwys gweithdai cyfeillgar i deuluoedd dan arweiniad artistiaid, sgyrsiau dros fwyd gyda’r artistiaid a’r curaduron sy’n arddangos, yn ogystal ag agoriad gyda’r nos.
BRIFF YR ARTIST
'Dal y Dyfodol'
